- மொழி அனுசரணையாளர் என்போர் யார்?
மொழி அனுசரணையாளர் என்பவர் இருமொழி அல்லது மும்மொழிகளிலும் தேர்ச்சி பெற்ற ஒரு நபராவார். மொழிப் பாவனையில் ஏற்படும் தடைகளை தீர்த்துக்கொள்வதற்காக உங்களுக்கு உதவக்கூடியவராவார். - மொழி அனுசரணையாளரின் சேவையை பெற்றுக்கொள்ளக்கூடியவர்கள் யாவர்?
எந்தவொரு அரச நிறுவனம், பிரஜைகள், தனியார் நிறுவனங்கள்,ஏதேனுமொரு சமூக அமைப்பு மற்றும் வெளிநாட்டு வாழ் இலங்கையர்கள். - மொழி அனுசரணையாளர்களினால் வழங்கப்படும் சேவைக்கு கொடுப்பணவு வழங்க வேண்டுமா?
ஆம். இலங்கை அரசினால் அனுமதிக்கப்பட்ட பெறுமதி - இலங்கை அரசினால் அனுமதிக்கப்பட்ட பெறுமதி என்ன?
ஒரு சொல்லுக்கான மொழி பெயர்ப்புக்கு ரூபா. 2.50
எட்டு (08) மணித்தியால வேலைக்கு ரூபா. 1,000.00
ஒப்பந்த அடிப்படையிலான ஒரு மாத வேலைக்கு ரூபா. 30,000.00 - மொழி அனுசரணையாளர் ஒருவரின் சேவையை எவ்வாறு பெற்றுக்கொள்வது?
301 மொழி அனுசரணையாளர்களின் பெயர் மற்றும் தொடர்புத்தகவல்கள் வரிசைப்படுத்தப்பட்டுள்ளன.
ஓவ்வொரு மொழி அனுசரணையாளர்களினதும் மொழிப் புலமையும் குறிக்கப்பட்டுள்ளது.
ஒருவர், சேவைக்கு அவசியமான மொழி இலகுபடுத்துநரை அடையாளம் கண்டு அவரை தொடர்பு கொள்ள முடியும். - மொழி அனுசரணையாளர் ஒருவராக வருவதற்கு ஏதேனும் வாய்ப்புக்கள் உண்டா?
ஆம்.
எவரேனும் ஒருவர் இரு மொழி அல்லது மும்மொழி புலமை பெற்றவராயிருப்பின் இரண்டாவது முறையாக நடைபெறவுள்ள பரீட்சையொன்றிற்கு தோற்றுவதற்காக தங்களை இணைய வாயிலாக பதிவு செய்து கொள்ள முடியும். - இந்த முன்முயற்சியினூடாக பிரஜைகள் எவ்வாறான பயணை பெற்றுக்கொள்ள முடியும்?
பொது மக்களுக்கு அல்லது பிரஜைகளுக்கு அவரவரது மொழியில் சேவை வழங்குவதற்காக அரச நிறுவனங்களின் தலைமையதிகாரிகள் இம் மொழி அனுசரணையாளர்களின் சேவையை பெற்றுக்கொள்ள முடியும். - மொழி அனுசரணையாளரின் சேவையை மதிப்பீடு செய்யக்கூடிய வகையிலான ஏதேனும் மதிப்பீட்டு முறைகள் உண்டா?
ஆம். மொழி அனுசரணையாளரின் சேவையைப் பெற்றுக்கொண்ட நபர் அவரின் சேவை தொடர்பில் மதிப்பீடு செய்ய முடியும்.